Ամեն ինչ անելու ենք մեր ազգին նորից ուրախացնելու համար. Վահան Բիչախչյան
Նորվեգիա-Հայաստան խաղի նախօրեին կայացած մամուլի ասուլիսին Խոակին Կապառոսի հետ մասնակցել է մեր թիմի կիսապաշտպան Վահան Բիչախչյանը, ով հաղթական գոլի հեղինակն էր դարձել Չեռնոգորիայի հետ խաղում: Բիչախչյանը խոսել է նախորդ խաղի մասին, նաև իր կարծիքն է հայտնել նորվեգիայի հավաքականի վերաբերյալ ու կիսվել այսօրվա խաղից իր սպասելիքներով:
«Հավաքականում ընկերական խաղեր չկան, միշտ փորձում ենք ուրախացնել մեր ազգին։ Շատ կազմակերպված ֆուտբոլ խաղացինք Չեռնոգորիաի ընտրանու դեմ, առաջինից վերջին րոպեն, արժանի հաղթանակ տարանք, հուսանք՝ այն մեզ կօգնի որպես հավաքական զարգանալու համար և կօգնի հետագայում Ազգերի լիգայում։ Արդեն դիտել ենք Նորվեգիայի որոշ խաղեր, կարող եմ ասել շատ կազմակերպված, արագաուժային ֆուտբոլ են խաղում, ունեն ուժեղ խաղացողներ, հատկապես հարձակման գծում, բայց ամեն ինչ անելու ենք, որ մեզ համար դրական արդյունքի հասնենք ու նորից ուրախացնենք մեր ազգին»,- ասել է Վահան Բիչախչյանը:
Կարծիքներ