Ստեփանակերտի 12 գոտիներից 11-ում ջրամատակարարումն ամբողջովին վերականգնված է
Ստեփանակերտի քաղաքապետարանից տեղեկացնում են, որ քաղաքի 12 գոտիներից 11-ում ջրամատակարարումն ամբողջովին վերականգնված է:
«Սիրելի քաղաքացիներ, ուրախությամբ տեղեկացնում ենք, որ շնորհիվ «Ջրմուղ-կոյուղի» ընկերության նպատակային և հետևողական աշխատանքի՝ Ստեփանակերտի 12 գոտիներից 11-ում ջրամատակարարումն ամբողջովին վերականգնված է: Այս պահին աշխատանքներ են տարվում 6-րդ գոտում, որը ներառում է քաղաքի 20-25 տոկոսը: Առաջիկա ժամերին այստեղ ևս աշխատանքները կավարտվեն և արդեն մայրաքաղաքն ամբողջությամբ կթոթափի երեկվա վթարի հետևանքները: Եվս մեկ անգամ հայցում ենք ձեր ներողամտությունը: Նաև շնորհակալություն ենք հայտնում բոլորիդ ստեղծված իրավիճակին ըմբռնումով մոտենալու համար»:
Ավելի վաղ տեղեկացրել էինք, որ սելավների պատճառով խցանվել էր Ստեփանակերտին ջուր մատակարարող խողովակաշարը, ինչի հետևանքով քաղաքի զտիչ կայան հասնող ջրի ծավալները զգալիորեն նվազել էին:
Կարծիքներ