Ծառերի ծաղկումից հետո ազոտով պարարտացումը կարող է բացասաբար անդրադառնալ պտղակալման վրա
Ծաղկումից հետո պտղատու այգիներում պարտադիր կերպով անհրաժեշտ է շարունակել խնամքի աշխատանքները՝ կատարելով սնուցումներ, ջրումներ, հիվանդությունների և վնասատուների դեմ պայքարի միջոցառումներ։
Ինչպես հայտնում են էկոնոմիկայի նախարարությունից, այդ փուլում ազոտով պարարտացումը կարող է բացասաբար անդրադառնալ պտղակալման պրոցեսի վրա։
Դրանով պայմանավորված՝ անհրաժեշտ է ազոտական պարարտանյութերը օգտագործել փոքր չափաքանակով և ծաղկաթերթիկները թափվելուց անմիջապես հետո։
Պտղակալման սկզբում անհրաժեշտ է սնուցել կալիումական, ֆոսֆորական պարարտանյութերով և միկրոտարրերով։
Կարծիքներ