Ռուս խաղաղապահները հասցեական հումանիտար օգնություն են փոխանցել Ստեփանակերտում բնակվող բազմազավակ ընտանիքին. ՌԴ ՊՆ

Ռուսական խաղաղապահ զորակազմի զինծառայողները կազմակերպել են հասցեական հումանիտար օգնության փոխանցումը Լեռնային Ղարաբաղի Ստեփանակերտ քաղաքի բազմազավակ ընտանիքներին: Այս մասին տեղեկանում ենք ՌԴ ՊՆ կայքից:

Հաղորդվում է, որ հումանիտար ակցիայի շրջանակում ռուս խաղաղապահները տաք հագուստ, իրեր են փոխանցել 7 անձից բաղկացած բազմազավակ ընտանիքին, ինչպես նաև կենցաղային իրեր, դեղամիջոցներ և պարենային փաթեթներ:

Տարեսկզբից ավելի քան 50 ընտանիք ստացել է հասցեական հումանիտար օգնություն ռուս խաղաղապահների կողմից: Հումանիտար արձագանքման կենտրոնի սպաները բնակիչներին են փոխանցում առաջին անհրաժեշտության իրեր՝ հագուստ, կոշիկ՝ երեխաների և մեծահասակների համար, պարենային փաթեթներ, սպիտակեղեն, բարձեր, ծածկոցներ և անհատական դեղատուփեր:

Հիշեցնենք, որ 2020 թվականի նոյեմբերի 9-ին Ռուսաստանի, Հայաստանի և Ադրբեջանի ղեկավարները Լեռնային Ղարաբաղում ռուս խաղաղապահների տեղակայման շուրջ պայմանավորվածություն են ձեռք բերել, ստորագրվել է հայտարարություն, որով Ադրբեջանին են անցնում Արցախի յոթ շրջանները, Շուշին ու Հադրութը` բացառությամբ մի գյուղի, գյուղեր Ասկերանի ու Մարտունու շրջանից, ինչպես նաև Մարտակերտի շրջանի Թալիշ և Մատաղիս գյուղերը։