Հուլիսի 13-ը Ղազախստանում սգո օր է հայտարարված

Ղազախստանի  նախագահ  Կասիմ-Ժոմարթ Տոկաևը հանդես է եկել հեռուստաուղերձով, որտեղ  նա անդրադարձել է  համաճարակի դեմ պայքարի խնդրահարույց հարցերին, որոնք վերաբերում են Ղազախստանի բոլոր քաղաքացիներին, հայտնում է NewTimes.kz լրատվական գործակալությունը: Նա հուլիսի 13-ը հայտարարել է   Ղազախստանում «Կորոնավիրուսից մահացածների համար ազգային սգո օր»:

«Դժբախտաբար, հիվանդությունը շարունակում է խլել ղազախցիների կյանքը:  Պաշտոնական հաղորդագրությունների հետևում կանգնած են հարյուրավոր ընտանիքների ողբերգությունները: Ինչ-որ մեկը կորցրել է հայր, մայր, եղբայր, քույր, որդի և դուստր: Ես ցավակցում եմ հանգուցյալների ընտանիքներին և ընկերներին: Սա համընդհանուր ողբերգություն է։ Հետևաբար, ես որոշեցի հուլիսի 13-ը հռչակել համաժողովրդական համաճարակի զոհ դարձած ղազախցիների ազգային սգո օր:

Ես ուզում եմ հորդորել բոլոր հայրենակիցներին ցուցաբերել կայունություն, հանգստություն և պատասխանատվություն։

Մենք շարունակում ենք մեր պայքարը կորոնավիրուսի դեմ: Կասկած չկա, որ հաղթանակը կլինի մեր կողմից:

Մենք չպետք է տրվենք   դեպրեսիային, ապատիային: Այսօր, ավելի, քան երբևէ, մենք պետք է ցույց տանք մեր միասնությունը:

Մենք ոչ ոքի չենք թողնի դժվարության մեջ և պայքարելու ենք յուրաքանչյուր ղազախստանի քաղաքցու կյանքի և առողջության համար», - ասել է  նախագահը: