Մեկնարկել է Շիրակի մարզի Լեռնակերտ համայնքի մշակույթի տան վերանորոգման աշխատանքները
Համայնքների 2020 թվականի տնտեսական և սոցիալական ենթակառուցվածքների զարգացմանն ուղղված սուբվենցիոն ծրագրի շրջանակներում մեկնարկել են Շիրակի մարզի Լեռնակերտ համայնքի մշակույթի տան վերանորոգման աշխատանքները։
Այս մասին Freenews-ին տեղեկացնում է Շիրակի մարզպետարանի հասարակայնության հետ կապերի և լրատվության բաժինը։
Ըստ կառույցի տեղեկությունների շինաշխատանքներն իրականացնելու է «Լիլիթ-Լևոն» ՍՊԸ-ն ընդհանուր 9 մլն 713 հազար դրամի շրջանակներում։
Ի դեպ, նշենք, որ գումարի 45 տոկոսը հատկացնելու է պետությունը, 55 տոկոսը՝ համայնքը։
Արդեն մեկնարկել են շենքի ամրացման աշխատանքները, առաջին փուլով իրականացվելու են նաև կտուրի վերանորոգման և հանդիսությունների սրահի համար նախատեսված հատվածը, որի մեջ մտնում են դահլիճը, խոհանոցը, սանհանգույցները և միջանցքը։
Կարծիքներ