Հայաստանից ո՞ր ապրանքն է ամենից շատ վաճառվում. Wildberries

Հայաստանի, Բելառուսի, Ղազախստանի, Ղրղզստանի ու Ուզբեկստանի գործարարները 2022 թվականի առաջին կիսամյակում «Wildberries»-ի միջոցով իրականացվող վաճառքներն ավելացրել են 4.5 անգամ կամ 441%-ով՝ տարեկան դրամաշրջանառությունը հասցնելով շուրջ 5,1 մլրդ ռուբլու: 

Ինչպես հայտնում են ընկերության մամուլի ծառայությունից, Հայաստանից ամենաշատը վաճառվող ապրանքը բանջարեղենի պահածոներն են, մուրաբաներն ու չիրը։ Բելառուսից հիմնականում գնում են դիմաներկեր, ներքնազգեստ ու պաստառներ։

Ղազախստանից ամենաշատը պատվիրում են թեյ, քաղցրավենիք և կոսմետիկ օճառ,Ղրղզստանից՝ բլուզներ, գիշերազգեստներ և կենդանիների համար նախատեսված սնունդ, իսկ Ուզբեկստանից՝ շապիկներ ու զգեստներ։