Ֆրանսիայի դատարանը կվերսկսի Դեպարդիեի դեմ հետաքննությունը բռնաբարության գործով

Ֆրանսիայի դատարանը կվերսկսի Դեպարդիեի դեմ հետաքննությունը բռնաբարության գործով

Ֆրանսիայի դատական քննիչը կվերսկսի բռնաբարության գործով ֆրանսիացի դերասան Ժերար Դեպարդիեի դեմ հետաքննությունը հայցվորի կողմից պահանջից հետո: Հոկտեմբերի 28-ին այդ մասին հայտնել Է Agence France-Presse-ը՝ վկայակոչելով իր աղբյուրները: «Ինձ այդ մասին չեն իրազեկել»,- մեջբերում է գործակալությունը դերասանի փաստաբանի խոսքը:

Օգոստոսի սկզբին հաղորդվել էր, որ Ֆրանսիայի դատախազությունը քննչական դատավորին է հղել բռնաբարության գործով հետաքննությունը վերսկսելու պահանջ, որտեղ մեղադրվում է դերասանը: Պահանջն ուղարվել Է այն բանից հետո, երբ երիտասարդ դերասանուհին, որն արդեն Դեպարդիեի դեմ դիմում էր գրել 2018 թվականին, կրկին դիմել է արդարադատության մարմիններին: Գործակալությունը նշում է, որ դերասնուհու կողմից հարուցված գանգատը քաղաքացիական հայցի տեսքով գործնականում ենթադրում է, որ հետաքննությունը պետք է ավտոմատ սկսվի: Գանգատի վերաբերյալ հետաքննությունը, գանգատ, որը 2018 թվականի օգոստոսին հարուցվել էր Էքս ան Պրովանս քաղաքի (Ֆրանսիայի հարավ) դատախազությունում, կարճվել Էր 2019 թվականի հունիսին:

Անունը չհայտնած դերասանուհին, որը պնդել է, որ աշխատել Է Դեպարդիեի հետ, հայտարարել է, թե նա իրեն հետամտել է, երբ ինքը 2018 թվականի օգոստոսի 6-ին եւ 13-ին նրա մոտ է գնացել «պիեսի ոչ պաշտոնական փորձի համար»: Բազմաթիվ ստուգումներից և դերասանի հարցաքննությունից հետո քննիչները բավականաչափ հիմքեր չեն գտել մեղադրանքների առաջադրման համար: