Ստեփանակերտ քաղաքի մոտակայքում մեքենան 10 մետրից ընկել է ձորը (լուսանկարներ)

Նոյեմբերի 25-ին ժամը 14:45-ին ԱՀ ՆԳ նախարարության ոստիկանության հերթապահ մասում, միաժամանակ ԱԻՊԾ ճգնաժամային կառավարման կենտրոնում ահազանգ է ստացվել, որ Ստեփանակերտ քաղաքի Նաբերեժնայա փողոցում, «Նաբերեժնայա» ռեստորանի մոտակայքում տեղի է ունեցել ՃՏՊ՝ ավտոմեքենա է ընկել ձորը:

Օգնություն ցուցաբերելու նպատակով կանչի վայր են մեկնել ոստիկանության ծառայողները` Ստեփանակերտ քաղաքի վարչության պետ Բորիս Ջալավյանի գլխավորությամբ, ԱԻՊԾ արագ արձագանքման հատուկ ստորաբաժանման օպերատիվ խումբը և շտապ բժշկական օգնության հերթապահ բժիշկները:

Պարզվել է, որ Ստեփանակերտ քաղաքի Նաբերեժնայա 3/3 հասցեի դիմաց ՀՀ Արտաշատ քաղաքի բնակիչ Ա.Խ.-ն (ծնվ.1996թ.) իր վարած «Mazda 6» մակնիշի ավտոմեքենայով դուրս է եկել ճանապարհի երթևեկելի մասից և հայտնվել (մոտ 10 մ) ձորում: ՃՏՊ-ի հետևանքով տուժած չկա :

Ստուգմամբ զբաղվում է ոստիկանության Ստեփանակերտ քաղաքի վարչությունը: