Տավուշի ավտոլվացման կետերից մեկում հայտնաբերվել է ՊՆ N զորամասի ֆինանսական մասի պետի՝ էլեկտրահարված դին

Երեկ՝ փետրվարի 26-ին, ողբերգական դեպք է տեղի ունեցել Տավուշի մարզում: Ժամը 18:00-ի սահմաններում Տավուշի մարզի բնակիչ, 49-ամյա Վաչիկ Ապերյանը  Չորաթան բնակավայրում՝ իրեն պատկանող ավտոլվացման կետի հետնամասում գտնվող էլեկտրական հոսանքի վահանակի վրա նորոգման աշխատանքներ կատարելու ժամանակ անզգուշաբար հոսանքահարվել է:

Shamshyan.com-ի փոխանցմամբ,  նշված վայր են ժամանել ոստիկանության, քննչական կոմիտեի, Արտակարգ իրավիճակների նախարարության աշխատակիցները:

Պարզվել է, որ հոսանքահարման հետևանքով Վ. Ապերյանը տեղում մահացել է:

Փաստի առթիվ    նյութեր են նախապատրաստվում: Քննիչի որոշմամբ նշանակվել են մի շարք փորձաքննություններ, այդ թվում՝ դիակի դատաբժշկական:

Կայքի տեղեկություններով մահացածը ծառայում էր  ՀՀ ՊՆ N  զորամասում՝ որպես ֆինանսական մասի պետ: