Երևանի բյուջեից մետրոպոլիտենի ենթակառուցվածքների նորոգման համար միջոցներ կհատկացվեն
Երևան համայնքի բյուջեից «Երևանի մետրոպոլիտենի ենթակառուցվածքների նորոգման» և «Երևանի քաղաքային լուսավորության դրամաշնորհային» ծրագրերի համար կհատկացվի 139 միլիոն 660 հազար դրամ:
«Արմենպրես»-ի հաղորդմամբ՝ այս մասին Երևանի ավագանու նիստում ասաց Երևանի քաղաքապետարանի աշխատակազմի ֆինանսական վարչության պետ Վիլեն Արևշատյանը:
Երևանի քաղաքապետ Հրաչյա Սարգսյանն էլ հավելեց, որ համապատասխան գումարն ուղղվելու է մետրոպոլիտենում առկա գրունտային ջրերի հեռացման և օդափոխման աշխատանքների իրականացման համար:
«Այդ գրունտային ջրերի պատճառով տարբեր համակարգեր կոռոզիայի են ենթարկվում: Գրունտային ջրերի հեռացման համար դրենաժային թունել էր փորվել : 2023 թվականին կիրականացնենք այդ հատվածում բետոնացման աշխատանքներ: Ինչպես նաև նախատեսվում է օդափոխման համակարգերը փոխել, որպեսզի մետրոյում պատշաճ խոնավության մակարդակ ապահովվի»,-պարզաբանեց Հրաչյա Սարգսյանը:
Կարծիքներ