Սյունիքի որոշ հատվածներում ձյուն է տեղում, Վայոց ձորում տեղ–տեղ առկա է մերկասառույց
ՀՀ արտակարգ իրավիճակների նախարարությունը տեղեկացնում է, որ Սյունիքի մարզի «Մեղրու սար» և Սիսիան-Զանգեր ճանապարհահատվածներում ձյուն է տեղում։
Վայոց Ձորի մարզի Սարավան-Զանգեր հատվածում տեղ-տեղ առկա է մերկասառույց։
Փակ են Արագածոտնի մարզում «Ամբերդ» բարձր լեռնային օդերևութաբանական կայանից դեպի Ամբերդ ամրոց և Քարի լիճ տանող ավտոճանապարհները:
Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսեթիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տիպի տրանսպորտային միջոցների համար:
Կարծիքներ