Բաթումում փլուզված շենքի հարևանությամբ գտնվող շենքի բնակիչներին տարհանել են

Բաթումում փլուզված շենքի հարևանությամբ գտնվող բնակելիից կատարվել է բնակչության տարհանում: Այս մասին հայտնում է  1tv.ge-ն։

Բնակիչներին տեղափոխում են հյուրանոցներ, քանի որ, փորձագետների կարծիքով, շենքն ապրելու համար անվտանգ չէ: Փորձաքննության եզրակացության մասին բնակիչներն իմացել են  երեկոյան, որից հետո հեռացել են տարածքից:

Բնակելին բաղկացած է հինգ մուտքերից, հինգերորդ մուտքը, որը փլուզված տան անմիջական հարևանությամբ է, մի քանի օր ազատ է, իսկ մնացած մուտքերից այսօր  երեկոյան են սկսել դուրս գալ բնակիչները:

«Մենք զգուշացրինք բոլոր բնակիչներին լքել շենքը: Յուրաքանչյուր մուտքում ապրում է մոտ 10-14 ընտանիք, որոնք բավականին լավ պայմաններով հյուրանոցներ են տեղափոխվում»,- ասել է համայնքի ղեկավար Քեթևան Պապավան:

Ինչպես նշել է համայնքի ղեկավարը, խոսվում է տան ամրակայման մասին, և երկուշաբթի կորոշվի, թե ինչ տեսքով այն կամրացվի: