Շինուհայր գյուղում այրվել են հնձած ցորենի դաշտ և 4 մեղվափեթակ
Օգոստոսի 28-ին, ժամը 15:45-ին Սյունիքի մարզային ճգնաժամային կառավարման կենտրոն ահազանգ է ստացվել, որ Շինուհայր գյուղի վարչական տարածքում այրվում է խոտածածկույթ:
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։
Պարզվել է, որ հրդեհը բռնկվել է 2 օջախով:
Հրդեհի 1-ին օջախը մեկուսացվել է ժամը 17:05-ին, մարվել՝ 17:44-ին, իսկ 2-րդը մեկուսացվել է ժամը 19:00-ին, մարվել՝ 22։30-ին: Այրվել են հնձած ցորենի դաշտ (մոտ 20 հա) և 4 հատ մեղվափեթակ։
Կարծիքներ