Բրազիլիայում անձրևների հետևանքով զոհերի թիվը հասել է 30-ի

Հյուսիսարևելյան Բաիա նահանգում հորդառատ անձրևների հետևանքով առաջացած ջրհեղեղների և սողանքների զոհերի թիվը հասել է 30-ի, ՏԱՍՍ-ի հաղորդմամբ՝ հայտնել է UOL պորտալը՝  հղում անելով տեղի փրկարար ծառայություններին։

Մարզի 141 համայնքապետարաններից 132-ում արտակարգ իրավիճակ է։ Ընդհանուր առմամբ, անձրեւների հետեւանքներից տուժել է գրեթե 630 հազար մարդ, մոտ 54 հազարը ստիպված են եղել լքել իրենց տները, ավելի քան 37 հազարը մնացել է անօթեւան, 434 մարդ վիրավորվել է։

Ըստ կանխատեսումների՝ խոնավ օդային զանգվածները կշարունակեն շարժվել դեպի երկրի հարավ-արևելք՝ դեպի Ռիո դե Ժանեյրո և Սան Պաուլո։ Այսպիսով, ուժգին անձրևներն արդեն տեղացել են Մինաս Ժերայս նահանգի հյուսիսում՝ Բաիայի հետ հարևանությամբ, որտեղ դեկտեմբերի սկզբից վեց մարդ է մահացել հորդառատ անձրևների հետևանքով, 2 հազարը մնացել է անօթևան։ Արտակարգ իրավիճակներ են հայտարարվել 60 քաղաքապետարաններում։

Հանրապետության հյուսիսային, կենտրոնական և հարավարևելյան հատվածներում առատ տեղումները սեզոնային են և ամեն տարի կրկնվում են տարբեր աստիճանի ինտենսիվությամբ: Դրանք առաջանում են տաք խոնավ օդի տեղաշարժից Ամազոնի հասարակածային անտառներից հարավ-արևելյան ուղղությամբ՝ դեպի Ատլանտյան օվկիանոս։ 2020 թվականի հունվարին երկրի հարավ-արևելքում տարերային աղետի հետևանքով զոհվել է 66 մարդ։