ԱՄՆ-ը հորդորում է Հնդկաստանին պաշտպանության հարցում հույս չունենալ Ռուսաստանի վրա

ԱՄՆ-ն փորձում է ապահովել, որ Հնդկաստանն իր պաշտպանական ծրագրի հույսը չունենա Ռուսաստանի վրա։ Այս մասին ուրբաթ օրը կայացած ճեպազրույցում հայտարարել է ԱՄՆ պաշտպանության նախարարության պաշտոնական ներկայացուցիչ Ջոն Քիրբին։

«Հնդկաստանի, ինչպես նաև այլ երկրների հետ մենք շատ անկեղծ ենք եղել, մենք չենք ցանկանում, որ նրանք ապավինեն Ռուսաստանին պաշտպանության հարցում», - շաբաթ օրը մեջբերում է Press Trust of India- ն Քիրբիի խոսքերը :

Միաժամանակ Քիրբին նշել է, որ ԱՄՆ-ը բարձր է գնահատում Հնդկաստանի հետ ռազմական ոլորտում համագործակցությունը։ «Միևնույն ժամանակ, մենք կարևորում ենք Հնդկաստանի հետ պաշտպանական գործընկերությունը: Եվ ինչպես ապացուցվեց մեկ շաբաթ առաջ, մենք ուղիներ ենք փնտրում դրա զարգացումն էլ ավելի բարելավելու համար: Դա կշարունակվի, քանի որ կարևոր է, կարևոր է», - ասաց նա:

«Հնդկաստանն ապահովում է անվտանգությունը տարածաշրջանում, և մենք գնահատում ենք դա»,- հավելել է Քիրբին։