Հայտնի են սպորտային-պարահանդեսային պարերի մրցաշարի արդյունքները

Համահայկական ամառային 8-րդ խաղերի առաջին օրը՝ օգոստոսի 6-ին, Գյումրու Սև բերդ ամրոցում անցկացվել է սպորտային-պարահանդեսային պարերի մրցույթը։ Մրցումներին մասնակցել են 5 երկրի 12 քաղաքի 180 մասնակիցներ։

Ըստ արդյունքների՝ առաջատարը Գյումրի քաղաքի թիմն է, որը նվաճել է 15 ոսկե, 8 արծաթե և 5 բրոնզե մեդալ։

2-րդ տեղում Երևանն է՝ 13 ոսկե, 9 արծաթե, 7 բրոնզե մեդալ:

3-րդ տեղում Թեհրանն է՝ 3 ոսկե, 7 արծաթե, 6 բրոնզե մեդալ:

4-րդ տեղում Էջմիածինն է՝ 2 ոսկե, 9 արծաթե, 7 բրոնզե մեդալ:

Հնգյակը եզրափակում է Փարաքարը մեկական ոսկե, արծաթե և բրոնզե մեդալներով։

Ծրագրում ընդգրկված են եղել սամբա, չաչա, ռումբա, ջայֆ, դանդաղ և արագ վալս, ֆոկստրոտ պարերը։

Մրցույթի բացմանը կատարումներով հանդես են եկել երգիչներ Սիբիլը, Անահիտ Սահակյանը, Հրաչյա Սաֆարյանը։