«Ջիպ»-ով անցել է կանաչ գազոնի վրայով, փորձել է հանդիպակաց երթևեկել. վարորդը մեքենա վարելու իրավունք չի ունեցել

ՊԱրեկները ապրիլի 5-ին Երևան-Աշտարակ ավտոճանապարհի Պռոշյան գյուղի վարչական տարածքում ծառայության կատարելիս նկատել են, որ «Jeep» մակնիշի ավտոմեքենայի վարորդը չարամտորեն խախտում է ճանապարհային երթևեկության կանոները, «Jeep»-ով անցնում է կանաչ գազոնի վրայով և փորձում է հանդիպակաց երթևեկել այն հատվածից, որտեղով թույլատրելիություն չկա:

Shamshyan.com-ի հաղորդմամբ, պարեկները կանգնեցրել են մեքենան: Պարզվել է, որ վարորդը ավտոմեքենա վարելու իրավունք չունի: Պարեկներին է մոտեցել մի տղամարդ և հայտնել, որ ինքը կվարի ավտոմեքենան, սակայն այդ դեպքում էլ երբ տվյալ տղամարդուց պահանջել են վարորդական իրավունքի վկայականը, վերջինն ասել է՝ ունի, մոտը չի:

Ավտոմեքենան պարեկները տեղափոխել են հատուկ պահպանվող տարածք: