Որքանով է վաճառվել Սթիվ Ջոբսի աշխատանքի ընդունման հարցաթերթիկը

Apple-ի հիմնադիր Սթիվ  Ջոբսի աշխատանքի ռեզյումեն վաճառվել է Charterfields- ի  աճուրդում 162․000 ֆունտով (221,842 դոլար): Նշվում է, որ  հարցաթերթիկը  միլիարդատիրոջ ձեռքով  լրացվել է  1973 թվականին, ենթադրաբար այն բանից հետո, երբ նա հեռացել է Օրեգոն նահանգի Պորտլենդ քաղաքի Ռիդ քոլեջից: Մեկ տարի անց  Ջոբսը աշխատանք է գտնում տեխնիկայի արտադրությամբ զբաղվող  Atari ընկերությունումում, որի աշխատակիցն էր նաև Սթիվ Վոզնյակը , ում հետ հետագայում 1976 թվականին հիմնադրեցին Apple ընկերությունը։

Աշխատանքի ընդունման հարցաթերթիկում  Ջոբսը նշել է, որ ինքը «համակարգիչների և հաշվիչների»հետ աշխատելու փորձ ունի, ինչպես նաև ունի հատուկ հմտություններ էլեկտրոնային տեխնոլոգիայի և թվային նախագծումների  ոլորտում:

Աճուրդն անցկացվել է այս տարվա փետրվարի 24-ից մարտի 24-ը: 2018-ին այդ հարցաթերթիկը մեկ անգամ արդեն վաճառվել էր  աճուրդում՝175 հազար դոլարով:

Դեռ 2020 թվականի  մարտին Apple-ի հիմնադիր Սթիվ  Ջոբսի այրին ՝ Լորան Փաուել Ջոբսը, հայտարարել էր, որ իր երեխաներին  չի թողնի  բազմամիլիարդանոց ժառանգությունը, որը  նա ստացել է ամուսնու մահից հետո: