Լուրը, բնականաբար, հիմնովին սուտ է, անգամ համացանցում դրա մասին հակափաստարկները բազմաթիվ են. Չախոյան

Վարչապետի աշխատակազմի ղեկավարի տեղակալ Տարոն Չախոյանը «Ֆեյսբուք» սոցիալական ցանցի իր էջում հերքել է լրատվամիջոցներից մեկի տարածած այն լուրը, ըստ որի՝ Նիկոլ Փաշինյանը մինչև 2018 թվականը ոչ մի անգամ Ծիծեռնակաբերդ չի բարձրացել:

Չախոյանի գրառումը՝ ստորև.

«Սա այն մասին, թե որքան սուտ ու փուչ կարող է լինել իրեն ընդդիմադիր հայտարարած այս լրատվամիջոցը։

Ապրիլի 24-ին՝ Հայոց ցեղասպանության զոհերի հիշատակի օրը, կեղծ լուր են տարածել, թե իբր Նիկոլ Փաշինյանը մինչեւ 2018-ը ոչ մի անգամ չի այցելել Ծիծեռնակաբերդ։ 

Լուրը, բնականաբար, հիմնովին սուտ է, անգամ համացանցում դրա մասին հակափաստարկները բազմաթիվ են, օրինակ՝ կից լուսանկարում դեռևս 2017 թվականի ապրիլի 24-ին Նիկոլ Փաշինյանի՝ Ծիծեռնակաբերդ այցելության կադրերն են, անգամ հարցազրույց է տվել։

Հղումը կտեղադրեմ մեկնաբանություններում»: