Հովհաննես Փափազյանը մտավ բռնցքամարտի աշխարհի առաջնության եզրափակիչ
Լեհաստանի Կիելց քաղաքում ընթացող բռնցքամարտի 2021թ աշխարհի երիտասարդական առաջնությունում Հայաստանից պայքարը շարունակում է միայն գերծանր քաշային Հովհաննես Փափազյանը:
Այսօր կայացած կիսաեզրափակիչ մրցամարտում մեր բռնցքամարտիկը երրորդ ռաունդում տեխնիկական հաղթանակ տարավ կուբացի Ալեխանդրո Արզոլա Լոպեսի նկատմամբ:
Եզրափակիչում Հովհաննես Փափազյանի մրցակիցը կլինի ուզբեկ բռնցքամարտիկ Ջախոնգիր Զոքիրովը, որը կիսաեզրափակիչում միավորներով հաղթեց հունգարացի Լևենտ Կիշին: Այդ մրցամարտը տեղի կունենա ապրիլի 23-ին:
Կարծիքներ