ԱՄՆ-ից Ուկրաինա է ժամանել 80 տոննա զինամթերքով ինքնաթիռ

Ամերիկյան իններորդ ինքնաթիռը Ուկրաինա է ժամանել 80 տոննա զինամթերքով, որը մատակարարվել է Կիևին՝ ռազմատեխնիկական օգնության շրջանակներում։ Այս մասին  հայտարարել է Ուկրաինայի պաշտպանության նախարար Ալեքսեյ Ռեզնիկովը։

Նա հայտնել է, որ Կիևը ստացել է 80 տոննա զինամթերք։ Նաև նշել է, որ մինչ այդ Ուկրաինա է ժամանել Մեծ Բրիտանիայի ռազմատեխնիկական աջակցությամբ բեռ։

Ավելի վաղ Ուկրաինայի վարչապետ Դենիս Շմիգալը կառավարության նիստի ժամանակ հայտարարել էր, որ գործընկեր երկրները Ուկրաինային տրամադրել են 1,5 միլիարդ դոլարի ռազմական օգնություն։

Ռուսաստանի կողմից Ուկրաինա իբր մոտալուտ ներխուժման մասին լայնածավալ շահարկումների ֆոնին արևմտյան երկրները մեծացրել են իրենց ռազմական աջակցությունը:

Այսպիսով, փետրվարի 4-ին Կանադան ոչ մահաբեր զենքով տրանսպորտային ինքնաթիռ է ուղարկել Ուկրաինա։ Մինչ այս Կանադայի կառավարությունը որոշել էր 340 մլն դոլար հատկացնել Կիևին անհապաղ աջակցության համար։ Տարեսկզբից ԱՄՆ-ը մի քանի անգամ ռազմական օգնություն է ցուցաբերել երկրին։ Չեխիան նախատեսում է այստեղ ուղարկել 152 մմ ծանր հրետանու արկեր։

Գերմանիան մինչ այժմ հրաժարվում է Կիևին մահաբեր զենք մատակարարել։ Բեռլինը Ուկրաինային կտրամադրի 5000 ռազմական սաղավարտ, նա նաև 5,3 միլիոն եվրո է հատկացրել ուկրաինական բանակի համար շարժական դաշտային հոսպիտալի համար:

Ռուսական կողմը բազմիցս հերքել է հնարավոր ագրեսիայի մասին մեղադրանքները և նշել, որ Ուկրաինայի ռազմականացումը հանգեցնում է Դոնբասում սրման:

Ռուսաստանի նախագահ Վլադիմիր Պուտինը Ֆրանսիայի նախագահ Էմանուել Մակրոնի հետ բանակցություններից հետո լրագրողների հետ զրույցում ընդգծել է, որ ռուսական ագրեսիայի մասին հայտարարությունները «առնվազն չեն համապատասխանում առողջ տրամաբանությանը»։