Մեքսիկայում ավտոբուսի վթարի զոհերի թիվը հասել է 29-ի
Առնվազն 29 մարդ է զոհվել Մեքսիկայի Օախակա նահանգում ավտոբուսի վթարի հետևանքով։ Այս մասին չորեքշաբթի հայտնել է շրջանի ՆԳՆ-ն։
«Ցավոք, այսօր առավոտյան Մագդալենա Պենյասկոյի քաղաքում ճանապարհատրանսպորտային պատահարի զոհերի թիվը հասել է 29-ի, թվերը հաստատվել են պետական դատախազության կողմից»,- ասվում է նախարարության Twitter-ում։
Իշխանությունների տվյալներով՝ 19 մարդ շարունակում է մնալ հիվանդանոցներում, վնասվածքների լրջության պատճառով 5 տուժած տեղափոխվել է նահանգի մայրաքաղաք։
Կարծիքներ