Խոշոր ավտովթար՝ Երևան-Գյումրի ավտոճանապարհին․ կա 4 վիրավոր
![Խոշոր ավտովթար՝ Երևան-Գյումրի ավտոճանապարհին․ կա 4 վիրավոր](https://freenews.am/uploads/images/image_750x_65c7cc39697a5.jpg)
Փետրվարի 10-ին ավտովթար է տեղի ունեցել Արագածոտնի մարզում։ Ժամը 21։10-ի սահմաններում Երևան-Գյումրի ավտոճանապարհի Ուջան գյուղի վարչական տարածքում ճակատ-ճակատի բախվել են Opel և VAZ 2106 մակնիշի ավտոմեքենաները։
Ինչպես հայտնում է Shamshyan.com-ը, վթարի հետևանքով 4 հոգի տարբեր աստիճանի մարմնական վնասվածքներով տեղափոխվել են «Աշտարակ» բժշկական կենտրոն։ Վիրավորներին առաջինն օգնության են հասել քաղաքացիներն ու «Աշտարակ» բժշկական կենտրոնի շտապօգնության բժշիկների հերթապահ խումբը։
Վթարի փաստով մարզային քննչական վարչությունում նախաձեռնվել է քրեական վարույթ, որտեղ պարզվելու են վարորդների և վիրավորների ինքնությունը։
Կարծիքներ