Չինաստանում երեխաների համար TikTok դիտելու ժամանակը սահմանափակել են մինչեւ օրական 40 րոպե

Չինաստանում երեխաների համար TikTok դիտելու ժամանակը սահմանափակել են մինչեւ օրական 40 րոպե

Մինչեւ 14 տարեկան երեխաներին TikTok դիտելու ժամանակը սահմանափակել են մինչեւ օրական 40 րոպե, նաեւ՝ նրանք 22:00-ից մինչեւ առավոտյան 6-ը չեն կարողանա մուտք գործել հավելված, հայտնում է РБК-ն:

ByteDance ինտերնետային ընկերությունը, որին պատկանում է TikTok հավելվածը, նույնպես ծառայությունում մտցրել է հսկողություն, ըստ որի՝ ծնողները պետք է հաստատեն երեխայի անունն ու ազգանունը:

Չինաստանն առաջին անգամ չէ, որ փորձում է վերահսկողություն սահմանել երիտասարդ օգտվողների ինտերնետային գործունեության վրա: Օգոստոսի վերջին Մամուլի եւ հրատարակչության ազգային վարչությունը հրաման էր տվել, որով արգելվում է անչափահասներին օրական մեկ ժամից ավելի առցանց խաղերով զբաղվել: Այդ ժամը կարելի է օգտագործել միայն որոշակի ժամանակ՝ ուրբաթ, հանգստյան օրերին եւ պետական տոների օրերին՝ խստորեն 20:00-ից 21:00-ն: