Տավուշի մարզում մեքենաների բախման հետևանքով կա 6 տուժած, 2-ը՝ երեխաներ
Հուլիսի 15-ին, խոշոր ավտովթար է տեղի ունեցել Տավուշի մարզում:
Ժամը 20:00-ի սահմաններում Նոյեմբերյան - Կողբ - Բագրատաշեն ավտոճանապարհին բախվել են Jeep Wrangler և Toyota Alphard մակնիշի ավտոմեքենաները, հայտնում է shamshyan.com-ը:
Բախման հետևանքով Toyota Alphard-ը շրջվել է և քաղաքացիները այն ուղղելուց հետո են կարողացել վիրավորներին դուրս բերել:
Վթարի հետևանքով 6 հոգի, որից 2-ը երեխաներ են, մարմնական վնասվածքներով տեղափոխվել են «Նոյեմբերյան» բժշկական կենտրոն:
Պարեկային ծառայությունն ու քննչական բաժինը պարզում են վարորդների և վիրավորների ինքնությունը:
Կարծիքներ