Քաբուլի օդանավակայանի շրջակայքում փոխհրաձգության հետևանքով աֆղան զինվորական է մահացել

Քաբուլի օդանավակայանի հյուսիսային դարպասների մոտ Կենտրոնական Եվրոպայի ժամանակով առավոտյան 4:13-ին փոխհրաձգություն է տեղի ունեցել Աֆղանստանի անվտանգության ուժերի և անհայտ անձանց միջև: Միջադեպի հետևանքով մահացել է Աֆղանստանի անվտանգության ուժերի 1 աշխատակից, 3-ը վիրավորվել են: Այս մասին հաղորդում է РИА Новости գործակալությունը:

Նշվում է, որ ամերիկացի և գերմանացի զինվորականները նույնպես կրակ են բացել:

Վերջին օրերին «Թալիբանի» կողմից Քաբուլի գրավումից հետո Աֆղանստանի մայրաքաղաք են մեկնել հազարավոր մարդիկ՝ հույս ունենալով լքել երկիրը: Տեղի են ունեցել հրմշտոցներ, ամերիկացի և բրիտանացի զինվորականները նախազգուշական կրակ են բացել՝ կրակելով օդ: Մի քանի մարդ մահացել է, այդ թվում՝ օդ բարձրացած ինքնաթիռի շասսիից ընկնելու հետևանքով: