Վատիկանը չեղարկել է Հռոմի պապի և Ռուսաստանի պատրիարքի հանդիպումը
Ուկրաինայի պատերազմի պատճառով Վատիկանը չեղարկել է Հռոմի պապ Ֆրանցիսկոսի և Ռուսաստանի պատրիարք Կիրիլի հանդիպումը։ Այս մասին Կաթոլիկ եկեղեցու առաջնորդը հայտարարել է արգենտինական La Nación թերթի հետ զրույցում։
Ֆրանցիսկոս պապը ափսոսանք է հայտնել հանդիպումը չեղարկելու համար, սակայն, ինչպես հավելել է, պատերազմի ընթացքում հանդիպելը կարող է «մեծ շփոթություն» առաջացնել։
Այն նախատեսված էր առաջիկա հունիսին Երուսաղեմում։ Դա կլիներ պատմության մեջ կաթոլիկ եկեղեցու ղեկավարի և Ռուս ուղղափառ եկեղեցու առաջնորդի երկրորդ հանդիպումը, առաջին անգամ նրանք հանդիպել են 2016 թվականին Կուբայում։
Կարծիքներ