Ասելիք չունեն վաղարշապատցուն, հետևաբար, անելիք չունեն Վաղարշապատում, մերժված են ու էլի են մերժվելու. Խուդաթյան
ՀՀ տարածքային կառավարման և ենթակառուցվածքների նախարար Դավիթ Խուդաթյանը «Ֆեյսբուք»-ի իր էջում գրառում է արել՝ անդրադառնալով Վաղարշապատ խոշորացված համայնքի ղեկավարի թեկնածուների կողմից նախընտրական մեծ բանավեճին չմասնակցելու մասին որոշումներին:
«Վաղարշապատում քոչարյանական երկու ուժեր մերժել են Առաջին ալիքի բանավեճին իրենց մասնակցությունը։
Ասելիք չունեն վաղարշապատցուն և, հետևաբար, անելիք չունեն Վաղարշապատում, մերժված են ու էլի են մերժվելու։
Ի դեպ, քոչարյանական այս ուժերից մեկի երկրորդ համարը Մեխակյանին բանավեճի էր հրավիրում և հիմա՝ երբ պետք է ներկայանային այդ բանավեճին, չկա, չկան, կորել են»,- գրել է Խուդաթյանը:
Հիշեցնենք՝ թեմային անդրադարձել էր նաև Վաղարշապատ խոշորացված համայնքի ղեկավարի պաշտոնակատար, «Քաղաքացիական պայմանագիր» կուսակցության թեկնածու Արգիշտի Մեխակյանը:
Կարծիքներ