Ղազախստանում Հայաստանի դեսպանությունը ՀՀ քաղաքացներին կոչ է անում խուսափել մարդաշատ վայրեր այցելելուց

Ղազասխտանում, առկա իրավիճակով պայմանավորված, սահմանվել է արտակարգ դրություն և պարետային ժամ (տեղական ժամանակով 23։00-07։00-ն)։

Ղազախստանում Հայաստանի Հանրապետության դեսպանությունը կոչ է անում Հայաստանի քաղաքացիներին հետևել անվտանգության միջոցառումներին։

«Հայաստանի Հանրապետության բոլոր քաղաքացիներին խստորեն հորդորում ենք պահպանել անվտանգության կանոնները, խուսափել մարդաշատ վայրեր այցելելուց, մնալ հյուրանոցներում կամ բնակության վայրերում»,-ասված է դեսպանության հայտարարությունում։

Ղազախստանում զանգվածային բողոքի ակցիաները սկսվեցին հունվարի 2-ից։ Սկզբում Ժանաօզեն և Ակտաու քաղաքների բնակիչները դուրս եկան փողոց իրենց բողոքի ձայնը բարձրացնելու գազի թանկացման հետ կապված։ Ավելի ուշ բողոքի ակցիաները տարածվեցին ամբողջ երկրով մեկ։ Իշխանությունները հայտնեցին, որ կվերանայեն գազի գինը, սակայն երկրում իրավիճակը չկայունացավ։ Ղազախստանի նախագահ Կասիմ-Ժոմարտ Տոկաևը, բողոքի ցույցերի համատեքստում, հայտարարեց, որ այսուհետ ինքն է Ղազախստանի Անվտանգության խորհրդի ղեկավարը։