Բեռլինում բանկի վրա հարձակման հետևանքով կան վիրավորներ

Բեռլինում բանկի վրա հարձակման հետևանքով կան վիրավորներ

Բեռլինում չորս անհայտ անձինք հարձակվել են Karstadt առևտրի կենտրոնի տարածքում գտնվող բանկի մասնաճյուղի վրա: «ՌԻԱ նովոստի»-ին քաղաքային ոստիկանությունից հայտնել են, որ առնվազն 12 մարդ  է վիրավորվել:

Գերմանիայի մայրաքաղաքի փրկարար ծառայության ներկայացուցիչները պարզաբանել են, որ չորս մարդ հոսպիտալացվել է, նրանցից մեկը՝ ծանր վիճակում: Ռուսաստանի դեսպանատնից հայտնում են, որ հարձակվողների ազգության մասին տվյալներ չկան:

Ներխուժողները փախել են հանցագործության վայրից, նրանց փնտրում են: Արգելափակվել են մետրոյի «Հերմաննպլաց» և «Կարլ-Մարկս-Շտրաս» կայարանները:

«Ոստիկանական գործողությունները շարունակվում են: Խոսքը գնում է կողոպուտի նպատակով հարձակման մասին: Թե արդյոք դա տեղի է ունեցել հենց առևտրի կենտրոնում, թե դրա հարակից հատվածում, դեռ հայտնի չէ:  Հայտնի չէ, թե կողոպուտ իրականացնողներին հաջողվել է  գումար գողանալ, թե ոչ»,- հայտնել են ոստիկանությունում:

Լրատվական գործակալության զրուցակիցը հրաժարվել է պաշտոնապես հաստատել այն տեղեկատվությունը, որ հարձակվողները օգտագործել են արցունքաբեր գազ:

Հետևեք մեզ նաև Տելեգրամում