Կոտայքի մարզպետը գերազանցության մեդալներ է հանձնել
Կոտայքի մարզպետ Մեսրոպ Մեսրոպյանը այսօր ընդունել և ՀՀ ԿԳՄՍ նախարարության գերազանցության մեդալներ է հանձնել ուսման մեջ գերազանց առաջադիմություն գրանցած մարզի երկու երիտասարդի՝ Կապուտանի միջնակարգ դպրոցի շրջանավարտ, 17-ամյա Նավասարդ Հովհաննիսյանին և Պռոշյանի Պ. Ղևոնդյանի անվան միջնակարգ դպրոցի շրջանավարտ, 18-ամյա Աշոտ Ղազարյանին:
«Ձեր այսօրվա հաջողություններն առաջին հերթին մեր ազգի հաջողություններն են, և ես անձամբ ոգևորված եմ այդ ձեռքբերումներով, որովհետև մենք կարևորում ենք գիտության, կրթության դերը պետության, պետականաշինության գործում»,- շնորհավորելով տղաներին դպրոցը գերազանցության մեդալով ավարտելու կապակցությամբ՝ նշել է Մեսրոպ Մեսրոպյանը:
Կարծիքներ