«Թալիբանը» հերքում է իր առաջնորդներից մեկի՝ փոխվարչապետ նշանակված Բարադարի սպանությունը

«Թալիբանը» հերքում է իր առաջնորդներից մեկի՝ փոխվարչապետ նշանակված Բարադարի սպանությունը

«Թալիբան» ծայրահեղական շարժման խոսնակը հերքել է տարածվող այն լուրերը, որ իրենց գլխավոր առաջնորդներից մեկը՝ «Թալիբանի» քաղաքական գրասենյակի նախկին ղեկավար մոլլահ Աբդուլ Ղանի Բարադարը, որին նախորդ շաբաթ փոխվարչապետ էին նշանակել, սպանվել է հակառակորդների հետ փոխհրաձգության ժամանակ: «Արմենպրես»-ի հաղորդմամբ՝ այդ մասին հայտնում է «Ռոյթերս» գործակալությունը՝ վկայակոչելով Սուլայլ Շահինի մեկնաբանությունը:

«Թալիբանի» խոսնակը թվիթերում գրել է, որ Աբդուլ Ղանի Բարադարը ձայնային հաղորդագրություն է տարածել՝ հերքելով այն տեղեկությունները, որ ինքը սպանվել կամ վիրավորվել է բախման ժամանակ:

«Նա ասում է, որ դա անհիմն սուտ է», - Թվիթերում գրել է Շահինը:

«Ռոյթերս»-ը հավելում է, որ «Թալիբանը» նաև տեսանյութ է հրապարակել, որում «իբրև թե» ցուցադրվում է Բարադարը հարավային Կանդահար քաղաքում տեղի ունեցած հանդիպման ժամանակ, սակայն տեսանյութի իսկությունը, ըստ «Ռոյթերս»-ի, դեռևս ստուգված չէ: