Բայդենը ցանկանում է հանդիպել Սի Ցզինպինի հետ
ԱՄՆ նախագահ Ջո Բայդենը վստահ է Չինաստանի նախագահ Սի Ցզինպինի հետ հանդիպման անհրաժեշտության մեջ, քանի որ դիվանագիտական շփումները առանձնահատուկ նշանակություն ունեն Վաշինգտոնի և Պեկինի միջև մրցակցության լույսի ներքո։ Այս մասին երեքշաբթի ասել է ԱՄՆ նախագահի ազգային անվտանգության գծով օգնական Ջեյք Սալիվանը։
Ինչպես նշել է նա՝ Բայդենը կարևոր է համարում Սի Ցզինպինի հետ անձնական շփումների հնարավորությունը։
«Մենք մտադիր ենք դա անել, քանի որ Միացյալ Նահանգների և Չինաստանի միջև ինտենսիվ մրցակցության ժամանակաշրջանում ինտենսիվ դիվանագիտական ներգրավվածությունը ամենաբարձր մակարդակով, առաջնորդների մակարդակով, կենսական դեր է խաղում այս հարաբերությունների արդյունավետ կառավարման գործում», - հավելել է նա:
Կարծիքներ