Հայտնի է Ռեալի ու Բարսելոնայի հաջորդ հանդիպման անցկացման օրն ու ժամը

Հայտնի է, թե երբ կկայանա Իսպանիայի առաջնության 30-րդ տուրի՝ «Ռեալի» ու «Բարսելոնայի» միջև հանդիպումը: Այս մասին հայտնում է լիգայի մամուլի քարտուղարությունը:

Էլ Կլասիկոն նախատեսված է անցկացնել ապրիլի 10-ին, մեկնարկը 00:00-ին է:

Հիշեցնենք՝ Պրիմերայի 27-րդ տուրի խաղում «Բարսելոնան» ընդունել էր «Ուեսկային»: Հանդիպումը կայացել է Բարսելոնայի «Կամպ Նոու» մարզադաշտում և ավարտվել 4-1 հաշվով: «Բարսելոնան» 59 միավոր ունի իր ակտիվում ու Պրիմերայի մրցաշարային աղյուսակի 2-րդ հորիզոնականն է զբաղեցնում:

Իսկ «Ռեալը» 27-րդ տուրում կամային հաղթանակ է տարել «Էլչեի» նկատմամբ՝ 2-1 հաշվով: Այս հաղթանակի շնորհիվ «Ռեալը» 57 միավոր է վաստակել ու բարձրացել երրորդ հորիզոնականը: Առաջնության առաջատարը շարունակում է մնալ Մադրիդի «Աթլետիկոն»՝ 62 միավորով: