ԿԳՄՍ նախարարի տեղակալն աշխատանքային այցով Տավուշի մարզում էր

Հանրակրթության ոլորտում 2021 թվականին գլխավոր բովանդակային փոփոխությունը հանրակրթության նոր չափորշչի հաստատումն ու փորձարկումն էր Տավուշի մարզի դպրոցներում:
Փետրվարի 2-ին ՀՀ կրթության, գիության, մշակույթի և սպրոտի նախարարի տեղակալ Ժաննա Անդրեասյանն աշխատանքային այցով Տավուշի մարզում էր, տեղեկացնում են Տավուշի մարզպետարանից:

Փոխնախարարն այցելել է Խաշթառակի միջնակարգ դպրոց, Լուսաձորի հիմանական դպրոց, ծանոթացել է հանրակրթական պետական չափորոշիչի կիրառության ընթացքի հետ, շրջել է դասարաններով, ծանոթացել է ուսումնական գործընթացին։

Այցն ավարտվել է Իջևանի թիվ 1 հիմնական դպրոցում, որտեղ կայացել է նաև մանկավարժական խորհրդի նիստ։
Մարզային այցն ամփոփվել է Տավուշի մարզպետարանում մարզպետ Հայկ Ղալումյանի հետ հանդիպմամբ։ Հանդիպման ընթացքում քննարկվել են հավաքագրված խնդիրները եւ դրանց լուծման տարբերակները: