Արարատի մարզպետարանի աշխատակիցներն այցելել են Դարակերտ համայնքի 100-ամյա բնակչին
Արարատի մարզպետարանի աշխատակիցները՝ փոխմարզպետ Գևորգ Սիմոնյանի գլխավորությամբ, այցելել են մարզի Դարակերտ համայնքի բնակիչ Հզնա Սարգսյանին, որը վերջերս է տոնել իր ծննդյան 100-ամյակը:
Փոխմարզպետը մարզպետ Ռազմիկ Թևոնյանի անունից շնորհավորել է տիկին Հզնային, մաղթել քաջառողջություն, բարեկեցիկ կյանք՝ նրան փոխանցելով դրամական աջակցություն:
Հզնա Սարգսյանն իր շնորհակալությունն է հայտնել մարզպետին և մարզպետարանի աշխատակիցներին ուշադրության համար: Նրա մաղթանքը մեկն է՝ երկիրը խաղաղ ապրի, հայրենիքի պաշտպաններն էլ ողջ ու առողջ վերադառնան իրենց ընտանիքներ:
Հզնա տատը սասունցի է, որտեղից գաղթել են Թալին, այնտեղից էլ Արարատի մարզ: Ունի հինգ որդի, տասնյակից ավել թոռներ ու ծոռներ, իսկ երկարակեցության գաղտնիքը մեկն է՝ շատ ու շատ աշխատելը, երբեք չտրտնջալն ու շրջապատին պիտանի լինելը:
Կարծիքներ