Էկոակտիվիստները բողոքի ցույց են անցկացրել Լոնդոնի գիտության թանգարանում

«Բրիտանացի ուսանողների կլիմայական ցանց» բնապահպանական կազմակերպության ակտիվիստները բողոքի ակցիա են անցկացրել Լոնդոնի գիտության թանգարանում։ Ցուցարարները դժգոհ են թանգարանի համագործակցությունից նավթի և գազի խոշոր ընկերությունների հետ: Այս մասին հաղորդում է ՏԱՍՍ-ը՝ հղում անելով LBC-ին:

Մասնավորապես, ցուցարարներն իրենց վրդովմունքն են հայտնել Energy Revolution ցուցահանդեսի կապակցությամբ, որը կազմակերպվել է հնդկական «Adani group» կոնգլոմերատների աջակցությամբ, որը, ի թիվս այլ բաների, զբաղվում է գազային նախագծերով։ Նախկինում էկոակտիվիստները քննադատել էին նաև Գիտության թանգարանի ղեկավարությանը Royal Dutch Shell անգլո-հոլանդական կորպորացիայի հետ համագործակցության համար:

Ցուցարարները մտադիր են գիշերել թանգարանում։ Նշվում է, որ դեպքի վայրում կան ոստիկաններ,որոնք դեռ ձերբակալություններ չեն իրականացրել։

Լոնդոնի Գիտության թանգարանը բացվել է 1857 թվականին։ Թանգարանի հավաքածուի ամենահայտնի ցուցանմուշներից է Puffing Billy շոգեքարշը, որը համարվում է աշխարհի ամենահին պահպանվածը: