Ֆրանսիայում ընթանում է արտահերթ ընտրությունների երկրորդ փուլը

Ֆրանսիայում այսօր ընթանում է Ազգային ժողովի (խորհրդարանի ստորին պալատ) արտահերթ ընտրությունների երկրորդ փուլի քվեարկությունը։

Երկրում գրանցված է 49,5 մլն ընտրող։

Ընտրատեղամասերը բացվել են տեղական ժամանակով ժամը 08:00-ին և բաց կլինեն մինչև 18:00-ն:

Խորհրդարանում բացարձակ մեծամասնություն ունենալու համար քաղաքական կուսակցությունը պետք է ստանա 289 մանդատ։

Առաջին փուլի արդյունքներով՝ աջ ծայրահեղական «Ազգային միավորում» կուսակցությունը և նրա դաշնակիցները 33,15 տոկոս ձայնով զբաղեցրել են առաջին տեղը։

Հաջորդը գալիս է ձախակողմյան «Նոր ժողովրդական ճակատ» դաշինքը՝ ստանալով ձայների 27,99%-ը։

Նախագահական «Միասին հանուն Հանրապետության» կոալիցիան հավաքել է 20,04 տոկոս։