Ֆրանսիայի հարավում երկու նավակների բախման հետեւանքով տուժել է 13 մարդ

Ֆրանսիայի հարավում՝ Մարսելի մերձակայքում, Միջերկրական ծովում ուղևորներ տեղափոխող զվարճանքի նավը մեծ արագությամբ մխրճվել է ջրասուզակներ տեղափոխող նավի մեջ։ France Info ռադիոկայանի փոխանցմամբ ՝ միջադեպի հետևանքով տուժել է 13 մարդ, չորսը ծանր վիճակում տեղափոխվել են հիվանդանոց։

Նախնական տվյալներով՝ նավը, որում եղել է յոթ զբոսաշրջիկ, կորցրել է կառավարումը և մեծ արագությամբ բախվել է 14 մարդ տեղափոխող փայտե նավի՝ ափից 900 մետր հեռավորության վրա՝ Քրոազետ հրվանդանի մոտ։ Երկրորդ նավի վրա հարվածը քանդել է անիվը, և նավապետը ծովն է նետվել։ Փրկարարները ստիպված են եղել վերակենդանացնել նրան, քանի որ նա սրտի կանգ է ունեցել:

«Երկու նավերում գտնվող 21 մարդկանցից բոլորը փրկվել են», - ռադիոկայանը մեջբերել է կառավարական աղբյուրի խոսքերը: Ընդհանուր առմամբ, որոնողափրկարարական աշխատանքներին ներգրավվել են փրկարար ծառայության, ժանդարմերիայի և ոստիկանության տասը նավ և ինքնաթիռ։