Դժբախտ պատահար Արջուտի հանքում. 39-ամյա աշխատակիցը մահացել է՝ մնալով հողային շերտի տակ

Այսօր՝ հուլիսի 5-ին, ողբերգական դեպք է տեղի ունեցել Լոռու մարզում:

Ժամը 02։40-ի սահմաններում ՀՀ ներքին գործերի նախարարության ոստիկանության օպերատիվ կառավարման կենտրոնի Լոռու մարզի օպերատիվ կառավարման կենտրոն ահազանգ է ստացվել, որ Արջուտ գյուղի «հարստացուցիչ հանքավայրի» տարածքում ողբերգական դեպք է տեղի ունեցել։

Shamshyan.com-ի հաղորդմամբ՝ պարզվել է, որ ժամը 02։20-ի սահմաններում Լոռու մարզի բնակիչ 39-ամյա Հարություն Է․-ն նշված կոմբինատում՝ հորում (բունկեր) հողային աշխատանքներ կատարելու ժամանակ, հողը լցվել է վրան, ինչն էլ դարձել է մահվան պատճառ։

Դեպքի փաստով Սպիտակի քննչական բաժնում նախաձեռնվել է քրեական վարույթ «շինարարական, լեռնահանքային կամ այլ աշխատանքների կատարման ընթացքում աշխատանքի պաշտպանության կամ անվտանգության ապահովման կանոնները կամ պահանջները խախտելը» հատկանիշներով։

Քննիչի որոշմամբ՝ նշանակվել է դիակի դատաբժշկական փորձաքննություն։