Իրազեկման հարթակը ձեզ կօգնի գտնել պետական աջակցության այն ծրագրերը, որոնք դուք իրավունք ունեք ստանալ

ՀՀ վարչապետի աշխատակազմի Հանրային կապերի և տեղեկատվության կենտրոնի կողմից ստեղծված պետական աջակցության ծրագրերի https://irazekum.am հարթակը նպատակ ունի մեկ վայրում համախմբել և քաղաքացիների համար հասանելի դարձնել պետական աջակցության բոլոր գործող ծրագրերը։

https://irazekum.am կայքում պետական աջակցության ծրագրերը ներկայացված են պարզ, համակարգված և մատչելի ձևաչափով։ Այստեղ քաղաքացիները կարող են ծանոթանալ ծրագրերի ամբողջական բովանդակությանը, ինչպես նաև ստանալ ծրագրերին դիմելու համար անհրաժեշտ ողջ տեղեկատվությունը՝ պայմաններ, պահանջներ և ընթացակարգեր։

Հարթակը հասանելի է նաև բջջային հավելվածի տարբերակով, ինչը հնարավորություն է տալիս օգտատերերին ցանկացած պահի հետևել ծրագրերի թարմացումներին և նորություններին։

Բջջային հավելվածը կարող եք ներբեռնել՝ iOS համակարգերի համար՝ https://apps.apple.com/am/app/irazekum-state-programs/id6450367495

Android համակարգերի համար՝ https://play.google.com/store/apps/details?id=am.gov.irazekum&hl=hy

«Irazekum» հարթակը ստեղծվել է քաղաքացիների իրազեկվածությունը բարձրացնելու և պետական աջակցության ծրագրերից օգտվելը առավել պարզ ու արդյունավետ դարձնելու նպատակով։