Ավստրալիան պատժամիջոցներ է սահմանում Դոնբասում Boeing-ի կործանման մեջ ենթադրաբար մասնակից անձանց դեմ
Ավստրալիայի պատժամիջոցների ցուցակում են երեք անձինք, որոնք, ըստ Կանբերայի, ներգրավված են եղել 2014 թվականի հուլիսին Ուկրաինայում Boeing-ի կործանման մեջ: Այս մասին շաբաթ օրը հայտարարել է արտգործնախարար Փենի Վոնգը։
«Ավստրալիայի կառավարությունը ֆինանսական պատժամիջոցներ և մուտքի արգելք է սահմանել Malaysia Airlines ավիաընկերության MH17 ինքնաթիռի խոցման մեջ ներգրավված երեք անձանց համար: Նոր սահմանափակումները վերաբերում են Սերգեյ Դուբինսկուն և Լեոնիդ Խարչենկոյին, ինչպես նաև Ռուսաստանի զինված ուժերի գնդապետ Սերգեյ Մուչկաևին»,- ասվում է նախարարի հայտարարության մեջ, որը հրապարակվել է գերատեսչության կայքում:
Վոնգը նաև ասել է, որ Ավստրալիայի կառավարությունը գործընկերների հետ միասին կշարունակի անել ամեն ինչ, որպեսզի ողբերգության բոլոր մեղավորները պատասխանատվության ենթարկվեն։
Կարծիքներ