Իրանում 7 մարդ է զոհվել հորդառատ անձրևների հետևանքով առաջացած հեղեղումների պատճառով

Իրանի հյուսիսում գտնվող Արդաբիլ նահանգում հորդառատ անձրևների ու հեղեղումների հետևանքով յոթ մարդ է զոհվել, երկուսն էլ անհետ կորել են Չալուս մայրուղու տարածքում, որը նույնպես տանում է երկրի հյուսիս, հայտնում է Mehr-ը՝ հղում անելով Իսլամական Հանրապետության Կարմիր մահիկի ընկերության զեկույցին։

«Ցավոք, Արդաբիլ նահանգում վերջերս տեղի ունեցած ջրհեղեղների հետևանքով զոհվել են մեր յոթ հայրենակիցներ... Անցյալ շաբաթ Չալուսի մայրուղում հորդառատ անձրևների հետևանքով երկու մարդ անհետ կորել է հեղեղումների պատճառով, փրկարարները շարունակում են որոնողական աշխատանքները»,- ասվում է հաղորդագրության մեջ։

Գործակալության տվյալներով՝ այս շաբաթ հորդառատ անձրեւներից տուժել է Իրանի 12 նահանգ, ամենաշատը տուժել է Արդաբիլը։

Ջրհեղեղից ավելի քան 5.000 տուժածներին օգնություն է ցուցաբերվել, հարյուրից ավելի մարդու տրամադրվել է ժամանակավոր կացարան։