Ես ինքս, իմ պարտքը համարելով լինել հայրենիքի և Ձեր կողքին, մեր համայնքի կամավորականների հետ միասին մեկնում եմ առաջնագիծ․ Դավիթ Մինասյան

Արմավիրի մարզի Փարաքար համայնքի ղեկավար Դավիթ Մինասյանը ֆեյսբուքյան իր էջում գրել է․ «Ուշադրություն,

Սիրելի հայրենակիցներ,

Հիմք ընդունելով ՀՀ Վարչապետ Նիկոլ Փաշինյանի կոչը` հանուն Հայրենիքի պաշտպանության` Փարաքար համայնքում ստեղծում ենք կամավորական ջոկատներ:

Հարգելի հայրենակիցներ, հաղթանակն այլևս այլընտրանք չունի, այս կարևորագույն պահին հայրենիքն ունի մեր կարիքը և ես ինքս, իմ պարտքը համարելով լինել հայրենիքի և Ձեր կողքին, մեր համայնքի կամավորականների հետ միասին մեկնում եմ առաջնագիծ և կոչ անում բոլորիդ` միանալ հայրենիքի պաշտպանության սուրբ գործին:

Բոլոր այն անձիք, ովքեր կամավորագրվել էին և բոլոր նրանք, ովքեր պատրաստակամ են միանալ մեզ` պետք է ներկայանան համայնքապետարան մինչև վաղը`հոկտեմբերի 22-ը, ժամը 13:00-ն: Նշեմ, որ այս ընթացքում Փարաքարի Համայնքապետարան ն աշխատում է 24/7 ռեժիմով և կարող եք մոտենալ ցանկացած ժամի:

Գործելու ենք քայլերի հետևյալ հերթականությամբ `

Քայլ 1. Ձեւավորել կամավորական ջոկատ (նվազագույնը 30 հոգի):

Քայլ 2. Ընտրել հրամանատար:

Քայլ 3. Դիմել հրամանատարի բնակության վայրի զինկոմիսարիատ:

Քայլ 4. Զորամասերից մեկում անցնել ներդաշնակում, պատրաստում:

Քայլ 5. Մեկնել հայրենիքի պաշտպանության առաջնագիծ:

Քայլ 6. Հաղթել»: