Խաղաղապահները Արցախում նախաձեռնել են «Ընտանիքի պատմությունը հաղթանակի պատմությունն է» ակցիան

Խաղաղապահները Արցախում նախաձեռնել են «Ընտանիքի պատմությունը հաղթանակի պատմությունն է» ակցիան

Ռուս խաղաղապահների զորախմբի զինծառայողները Արցախի Հանրապետությունում ակցիա են նախաձեռնել՝ նվիրված Հայրենական Մեծ պատերազմի 76-ամյակին:

Այս մասին հայտնում են ՌԴ պաշտպանության նախարարությունից:

«Ակցիան կրել է «Ընտանիքի պատմությունը հաղթանակի պատմությունն է» խորագիրը: Ակցիայի սկիզբը դրվել է Արցախի Ասկերանի շրջանի Խնաբադ գյուղի 104 զինվորի նվիրված հուշարձանի մոտ, ովքեր զոհվել են 1941-1945 թթ. հիտլերյան կոալիցիայի դեմ մարտերում: Բացի «Ընտանիքի պատմությունը հաղթանակի պատմությունն է» ակցիայից, ռուսաստանյան խաղաղապահ զորախմբի մարդասիրական արձագանքման կենտրոնը, համագործակցելով Մարտակերտի, Մարտունու և Ասկերանի շրջանների վարչակազմերի հետ, նախաձեռնել է Արցախից ռազմաճակատ գնացած և Հայրենական մեծ պատերազմի տարիներին զոհված ազատամարտիկների հուշարձանների և հուշակոթողների բարեկարգման աշխատանքներ»,- նշում են ՌԴ ՊՆ-ից:

Արցախում ակցիաները շարունակվելու են մինչև մայիսի 9-ը՝ Հաղթանակի օրը: