Ավստրիայի կանցլերն ասել է, որ չի լքի պաշտոնը՝ կոռուպցիայի մեջ ներգրավվածության կասկածների պատճառով

Ավստրիայի կանցլեր Սեբաստիան Կուրցը չորեքշաբթի օրը հայտնել է, որ ինքը կմնա պաշտոնում՝ չնայած իր դեմ հակակոռուպցիոն դատախազության կողմից կատարված հետաքննությանը:

«Այո, իհարկե», - ասաց Կուրցը ORF 2 -ի եթերում ՝ այն հարցին, թե կշարունակի՞ զբաղեցնել կանցլերի պաշտոնը, եթե նրա դեմ վարույթ հարուցվի: Կանցլերը հավելեց, որ չի հասկանում, թե ինչու են նրանք միշտ ուզում իրեն մեղավոր ճանաչել, եթե ինչ-որ տեղ ինչ-որ անօրինական բան է կատարվում:

Կուրցի խոսքով՝ իր դեմ բոլոր հետաքննություններն ընթանում են առանց որևէ կոնկրետ ապացույցի: «Քանի որ մենք Ավստրիայում միշտ գնահատում ենք օրենքի գերակայությունը և սահմանադրությունը, ապա մենք պետք է համապատասխանենք օրենքի գերակայությանը: Կա անմեղության կանխավարկած», - ասել է Կուրցը և հավելել, որ մեղքի մասին որոշում կարող է կայացնել միայն դատարանը, ոչ թե հանրությանը:

Հոկտեմբերի 6 -ին խուզարկություններ են իրականացրել Ավստրիայի ժողովրդական կուսակցության (ANP) շտաբում, կանցլերի գրասենյակում և Ավստրիայի ֆինանսների նախարարությունում: Տնտեսական հանցագործությունների և կոռուպցիայի դեմ պայքարի դատախազությունը հետաքննում է ինը անձի, այդ թվում՝ կանցլերին, վստահության չարաշահման և կաշառակերության կասկածանքով: