Երևանի Կենտրոն և Շենգավիթ վարչական շրջաններում ապրիլի 28-ին վթարային ջրանջատում կիրականացվի

Վթարային աշխատանքներով պայմանավորված, ապրիլի 28-ի ժամը 11.00-18.00-ը կդադարեցվի Երևանի հետևյալ տարածքների ջրամատակարարումը.

Կենտրոն վարչական շրջանի` Կիլիկիա, Նորագյուղ թաղամասեր, Գրիգոր Լուսավորչի, Բրյուսովի, Բունիաթյան, Լեոյի, Արգիշտիի, Գետառի փողոցներ, Պարոնյան 1-15, Մաշտոցի 1, 3, Արշակունյաց 1-34, Ագաթանգեղոսի 1-6 համարներ, Հրազդանի կիրճ, Ծիծեռնակաբերդի խճուղի և Ծիծեռնակաբերդի հուշահամալիր;

Շենգավիթ վարչական շրջանի` Արագածի 35-95 համարներ, Կողբի փողոց և 1, 2 նրբանցքներ, Ղարիբջանյան, Կարա-Մուրզայի, Լազոյի, Կաշեգործների փողոցներ:

Այս մասին տեղեկացրին «Վեոլիա Ջուր» ընկերության հանրային կապերի ծառայությունից՝ հավելելով, որ ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար: