Արմեն Ղուլարյանը հայտնեց վթարային շենքերի հետ կապված ներդրումների առաջարկների մասին

Քաղաքաշինության կոմիտեի կողմից իրականացրած ուսումնասիրությունների արդյունքում պարզվել է, որ հանրապետությունում կա 600-ից ավելի 3-րդ, 4-րդ կարգի վթարային շենքեր, որոնցից 95-ը 4-րդ կարգի են: Այդ մասին կառավարության նիստում նշեց Քաղաքաշինության կոմիտեի նախագահ Արմեն Ղուլարյանը՝ ավելացնելով, որ  դրանք հիմնականում Երևանում են, Գյումրիում, Լոռու մարզում:

Ըստ նրա, այդ շենքերի հետ կապված կառուցապատողների կողմից կան ներդրումային առաջարկներ։

«Կոմիտեի կողմից մշակվել և կառավարությունում է գտնվում վթարային ֆոնդի վերականգման ուղղությամբ քայլերի վերաբերյալ հայեցակարգը, որն ընդունելու պարագայում կսահմանվեն այն գործողություններն ու մոտեցումները, որոնք պետք է իրականացվեն պետության կողմից»,- ընդգծեց Ղուլարյանը: