Ակնհայտ է, որ Ադրբեջանը փորձում է գտնել պատրվակներ, տարածաշրջանում նոր, լայնամասշտաբ պատերազմ սկսելու համար. Փաշինյան
Շատ հստակ պետք է արձանգարել, որ ՀՀ կառավարությունը երբևէ հավակնություն չի ունեցել և չունի Տավուշի մարզի 4 գյուղերի նկատմամբ, առավել ևս այն պայմաններում, երբ մեզ համար ակնհայտ է, որ Ադրբեջանը փորձում է գտնել պատրվակներ, տարածաշրջանում նոր, լայնամասշտաբ պատերազմ սկսելու համար:
Այս մասին Արտաշատում «Քաղաքացիական պայմանագիր» կուսակցության անդամների հետ հանդիպման ժամանակ ասել է Նիկոլ Փաշինյանը:
«խաղաղության մեր ձգտումների և խաղաղության մեր օրակարգի պատճառով մեզ շատ հայհոյում են, և բազում ստեր են ասում: Ստերից ամենաարտահայտիչն այն խոսույթն է, որ ՀՀ կառավարությունը պատրաստվում է Տավուշի մարզի 4 գյուղեր հանձնել Ադրբեջանին:
Դա որևէ կապ չի կարող ունենալ իրականության հետ: Առիթ ունեցել եմ ասելու և այսօր էլ կասեմ, որ ՀՀ-ում երբևէ չի եղել Կիզիլհաջիլի, Խեյրիմլի, Աշաղա Ասքիպարա, Բաղանիս Այրում անունով գյուղեր, որը չի կարելի շփոթել Բաղանիս գյուղի հետ»,- հայտարարել է Փաշինյանը:
Կարծիքներ